Berangoeta Kultur Etxetik abiatuko dira zaldi gainean Errege Magoak, arratsaldeko 7:30ak aldera. Segizioa 60 lagun inguruk osatuko dute, tartean morroiak eta erromatar legioa izango direla. Azken horrek tronpeta eta danbor hotsez alaituko du frontoira arteko kalejira. Ekialdeko erregeek udal pilotalekuan eskainiko dute harrera eta txokolatada ere izango dute neska-mutilek.
